احلاكم واتحداكم
همسـة نشيط
عدد الرسائل : 25
sms : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">اكتب هنا رسالتك</marquee></fieldset></form><!--- MySMS By AlBa7ar Semauae.com -->
تاريخ التسجيل : 22/07/2008
 |  موضوع: { ( .. المـــواقــف .. الرمضانية .. ) } مع // خلف المشعان // رائـعه .! (.)  الأحد سبتمبر 07, 2008 9:50 am | |
| السلام عليكم ورحمة الله وبركاته
\
{ ( .. المـــواقــف .. الرمضانية .. ) }
الموقف الأول
البارحه رحت .. اتقضى من .. السوق
.............. // .. هل رمضان ورحت اجيب المقاضي
لقيت لي واحد .. من الربع مطفوق
................ // .. اسمه اذا ماني بغـلطان .. راضي
سلم علي .. وصار يطـلبني .. حقوق
........... .. // .. تقــول انا مذنب وهالأخ .. قاضي
جلس يسمعني .. من الشعر .. طاروق
............ // .. وانا ورايه شغل .. مانيب فـاضي
يقول هذا البيت : .. ماهو بمسرووق :
............ // .. " يانوض قلبي نوض براق ناضي " ؟
حاولت اجيه بذوق .. مافاد به .. ذوق
.............. // .. ولا فاد به .. تلميحتي واعتراضي
قلت العفو !! ياخوك انا الحين مزنوق
............... // .. والشعر كله .. صارلي فعل ماضي
صدري على وجه الشهر صار به ضوق
................ .. // .. رغم ان خلقي .. كان جداً رياضي
الا انه اجبرني .. اخلي له .. السوق
......... // .. جانا رمضان ولا شريت المقاضي
الموقف الثاني :
كم لي شهر.. ماشفت .. حامد .. وفرحان
....... // .. ربع ٍ .. لياغاب الخوي .. يفـقدوونه
رغم انهم .. ماهم .. بعيدين .. جــيران
.............. // .. حامد ورى المسجد .. وفرحان دوونه
إلا انّ هالدنيا .. خذت .. عقل الانسان
....................... // .. ونابت أذانه .. عن مهمة عيووووونه
أصبح فلان .. اليوم .. يسمع عن فلان
............. // .. وكلٍ سعى في هالحياة .. بشؤووونه
دنيا المشاغل .. فرقت .. بين الاخوان
.............. // .. يموت ابوهم .. والعزى .. مايجووونه
رحمااااك .. ياربي ونسألك .. الاحسان
............ // .. نطلبك .. عن هول الزمان .. المعوونه
اليوم ( صدفه ) شفت حامد .. وفرحان
.......... // .. بالمسجد .. اللي توّهـم .. يدخلوووونه
قبل رمضان .. تشوف به خمس شيبااان
................ // .. واليوم كل الحي .. صاروا يجووووونه
الموقف الثالث :
قبل الفطور بربع ساعه اتخبرون
................... // .. كلٍ .. ببيته .. للفطور .. يتولم
وانا تورطت بهديفه ,, ومجنوون
............... // .. تصادموا .. والكل قام .. يتظلم
هذا يقول أنت آعـَمى مالك عيون
........... // .. وهذاك .. من هول الفجيعه تبلم
قدام بيتي .. قلت يالربع تدرووون
............. // .. تفضلوا بعد الفطــور .. نتكلم
عيا الهديفه قلت له : طيب شلون
........... // .. نبقى هنا ؟؟ قال ايه ، قلت اتحلم
لو ننتظر لين الحكومة يمروووون
............. // .. كد للإمام من التراويح .. ســلم
قلت اسمعوا .. وش رايكم لو تطسووووون
............... // .. مدري متى .. شعب الخليج يتعلم
الموقف الرابع :
محدٍ بهالعالم من الذنب معصوووووم
................ // .. نسألك .. يارب العباد .. السلامه
بعض البشر بوزه على الصبح ملموم
............... // .. نفسه بخشمه .. لا اقعدوه .. لدوامه
تلقى " فرامل خلقه " الصبح معدوم
.............. // .. وعاجز لسانه .. لا يربّط .. حزامــه
وبعض البشر لا نام ماوده يقوووووم
.......... // .. يقضي عبادات .. الصيام بمنامه ..!!
يجمع صلاته يوم يقعد من النوووووم
................. // .. ويطلب لقا ربـّه .. بيوم القيامه ..!!
لاصار صومه نوم .. وشوله يصووم
............ // .. ربه .. ترى ماهو .. بحاجة صيامه
وبعض البشر عن ماذكرناه محشووم
............. // .. يتعب على صوم رمضان .. وقيامه
الموقف الخامس :
السالفه .. ماهي بحاجة .. لتصعـيد
.............. // .. موقفك .. جاهز .. منتهي .. ما يبـيـله
لااتجيب فينا العيد .. بدري على العيد
........ // .. .. قدامنا .. سته وعشرين .... ليله ..!!
ياصاحبي سرْعَتـْـك كل مالها .. اتزيد
.............. // .. خفف .. ترى كلٍ .. تحراه .. عـيله
كانك تدور صيد .. ماعاد به صـيد ..!!
........ // .. فرّطت .. في شهر ٍ فضيل .. بفضيله ..!!
من قالك ؟؟ تسهر .. وتعطي .. مواعيد ؟؟
.............. // .. حتى لو انك .. ماانت راعي .. طويله
والله لو بيدنا .. عطيناك .. تمـ ـ ـ ديد ..
.............. // .. لكنّه .. اذّن .. مالنا فيه .. حيـ ـ ـله
بس هـ دّ .. تكفى .. لا تحضّر بنا العيد
.......... // .. .. قدامنا .. سته وعشرين .... ليله .. !!
الموقف السادس
...................
الموقف السابع :
الموقف .. السابع .. عن انسان مسكين
............ // .. رُبـَى يتيم .. وكان .. رابع خواته
أبوه مات .. وماترك .. لامهم .. شين ..!!
....... // .. ماغير .. رحمة ربهم .. في وصاته
عاشوا على .. شغل امهم .. بالفساتيــن
...... // .. وياحسين ود الثوب .. ياحسين هاته
باول حياته .. جرب الشين .. والشين ..!!
........// .. هو فيه .. زين يجربه .. في حياته !!
ان راح يلعب .. عيروووه الوراعين ..!!
....... // .. واذا .. رجع للبيت .. مـو .. من .. حلاته
يسمع " كلام امه " .. عن الفقر والدين ..!!
.......... // .. ويضيق فيه الكون .. باربع .. جهاته
يعني بنت مستقبله .. دمعة .. العين ...!!
........ // .. ماعاد .. تفرق .. عن حياته .. مماته .. !!
كُبر .. وصار .. اكبر حرامي .. دكـاكين ..!!
......... // .. يسمع .. بفقر الذيب .. والا .. غناته ....!!
لين اكفشوه .. وصارله .. أربع سنيـن .....!!
........ // .. يدعي ... لرب البيت .. بآخر .. صلاته :
يارب .. تشملني .. (( بعـفو .. المساجين .. .. ))
.......... // .. وتفرج عن اللي .. يرتجنـّه .. خواته ..!!
:
الموقف الثامن :
في ليلة الثامن .. بدينا بالاهمال .......
........... // .. وصار الشهر .. عند الكثيرين عادي
مدري !! بدينا ننتظر شهر شواال ......!!
......... // .. والا شهر شوال بالفعل بادي .. ؟؟
يعني بدال نصير نخلص بالاعمال ........!!
........... // .. نزداد عن رب العباد .. ابتعادي ..؟؟
عن التراويح .. نتعذر .. بالاشغال .......!!
........ // .. واشغالنا مابين ... سوق ونواادي
غزل .. اتمشي .. مشترى .. كذب .. تفصال
....... // .. " حراء " طبعا غير .. " سوق البوااادي "
غزل .. ( على وِدنه ) .. وترقيم .. واهبال
................ // .. ومحاضرة .. للشيخ .. جوهر .. عبادي
استغفر الله .. وأسأله .. يرحم الحااال
........... // .. صرنا بوادي .. والعباده .. بوادي ..!!
الموقف التاسع :
دايم .. الياقالوا : (( شـباب .. وعلى الدين )) ..!!
........... // .. أسكت .. على بالي .. فهمت العباره ..!!
أدري بها .. زينه .. !! .. ومفهومها .. زين .....!!
...... // .. واكيد .. واضح .. مايبيله .. شطاره .. !!
( واحد رقم )..( زايد ) .. ( رقم واحد ).... ( اثنين )
...... // .. لكن .. مهو كل .. الكلام .. استعاره .. !!
يعني .. مثل : لا قلت لك .../ ... صل .. هالحين ..!!
........... // .. هي نفسها .. لا قلت : .. ولع زقاره .. ؟؟
وش دخّـل .. اهل الدين .. بـ ( محمد .............. )
.......... // .. اللي .. فقع .. في .. كبد ابوه .. المراره !!
" عزَب هتيم " .. ( ...................م ش ف ر..................... )
..... // .. لا دك .. في غزوه .. ولا فك .. غاره ...!!
مافيه شي .. اسمه / .. شبابٍ .. على .. الدين ..!!
........... // .. إلا .. شباب ٍ .. يستحق .. .. العباره ..!!
شفهم .. !! .. اليـَ ذ ّن .. ينقلون .. الكراتين
......... // .. ويفطّرون .. الناس .. عند .. الإشــاره ..!!
الموقف العاشر :
ثلث .. الشهر .. عدى .. وعدت .. لياليه
........ // .. مسكين .. يامن في معاصيه .. لاهـي
كلْ مـ الشهر .. ينقص .. يزيدن .. معاصيه
..... // .. ويزداد .. مع زود المعاصي .. تباهـي
من لا هداه الله .. وسمح .. خطاويه ....!!
......... // .. مايردعه .. عن منكر الفعل .. ناهـي
ليل الشهر .. بين البرامج .. يقضّيه ...!!
....... // .. متحطم .. ( بهيفا ) .. ومعجب ( بزاهي )
محتار .. مايدري وش اللي .. ينقيّه ..!!
................. // .. مثل .. اليتيم .. اليادخل .. بالملاهـي
من " مهزلة طاش " .. " لسخافة .. دقـ دّ يـه "
................ // .. لقريقعان .. وغانيات .. المقاهـي ...!!
صارت .. تردد بينهم .. كلمة " أ و مـبـيــه "
............. // .. يالله تحفظ .. عقولنا .. مثل ماهـي ..!!
كن الشهر .. موسم .. برامج .. وترفيه ..!!
................ // .. من فاهية وجه ٍ .. إلى وجه .. فاهـي
ويالله .. تثبتنا .. فباقي .. // .. لياليه ..!!
....... // .. وتذكّر اللي .. عن عبادتك .. ساهـي
الموقف 11 :
ايوالله .. اذكر طلته .. ياحليله ..!!
....... // .. كان الشهر .. مع طلته .. متخاوي
يطلع على وقت اجتماع الـعيله ..!!
........ // .. يروي لنا .. والله .... ونعم الراوي ..!!
لا من طلع برنامجه .. نصغيله ..!!
................ // .. شيخٍ عن امراض القلوب يداوي !!
اذكر " بنان " الياحكى ,, تطريله ..!!
.............. // .. واذكر .. بعد في وقتها .. شيـ ساوي
ينسى .. يحسب غتيرته .. منديله ..!!
.................... // .. يمسح بها دمع العيون .. الهااااوي
اذكر .. كثير .. وجيتكم .. داعيله ..!!
................. الله يرحم .. شيخنا .. الطنطاوي .. !!
الموقف 12 :
خلو ملاك تصلي .. لا تحرموها الجنه ..!!
......... ياويلكم .. من ربي .. يااهل الحسد .. خلوها ..
حتى الصلاة لربي .. صارت بعد .. بالمنه
....... // .. مو زين يطلع منها ؟؟ .. بعض العرب نسيوها
تحجبت .. من بدري .. تبي مع اهل السنه
....... // .. تلحق صلاة المسجد .. واخوانها .. ردوووها
وهي عادةً .. لا قالت : تـــنـه .. فـ يعني .. تنه
.............. // .. لامن .. بغتهم .. شغله .. تسابقوا .. جابووها
البارحه .. مانامت .. وبعذرها .. منجنه ......!!
. // .. عيو عليها تصلي .. جت تشتكي .. لـ بوها
يبه .. يبه .. !!
وش علمك ..؟؟
يبا .. احسدوني .. الجنه ..
.... // .. منهم .. ؟؟ هذولا شفهم .. وجع .. وجع .. خلوها
ودو ملاك المسجد .. لا تحرموها منه ..!!
..... ياويلكم .. من ربي .. يااهل الحسد .. ودوها ..
الموقف 13 :
ماكنت ابكشف عن خفا عارف سرور
.... لكن هو اللي .. قام .. يبحث خفايه
يعني على كشْـف الورق صرت مجبور
.. وهذا جزى اللي .. .. لف ذيله معايه
على الفطور البارحه .. جاني .. الدور
...وبلغت ابو طارق .. وكل .. خويايه
سلطان يشهد .. ماحصل مني قصور
.. والحر .. كزه .. مايبيله .. وصــايه
انا اشهد انه ماهو بشاهدٍ زوووور
......افطر معاي .. وشاف كل .. الحكايه ..!!
مااحدٍ حظر غيره .. وسلطان مخبور
اما يجي .. أو يعتذر .. بالبدايه .. !!
بس البلا اللي .. داخل البيت .. محصور
.... ان مسمحت له .. عاد ماهو خطايه
الموقف 14 :
الناس .. من تصبح .. يقولون .. يارب ..
... // .. يارب .. تصلح حالنا .. واتهدينا
وانا اصطبحت ولا طرالي .. أبد .. سب
...// .. الين شفت اليوم .. بنت اللذينا
قدام خلق الله تشرب .. ( سفن أب ) ..!!
... // .. يدري بها الله .. عاد .. لو مادرينا
ما حقها تشتيم .. ذي حقها .. د َ ب
..// .. حرام .. هالأشكال .. منا .. وفينا
هذي هي .. اللي بالشهر مالها .. طب
. // .. يالله .. انا طالبك .. لا تبـتلينا
الموقف 15
خمسة عشر موقف .. كتبت بشـظــايا
.. // .. أولهن .. أول يوم .. وأتلاهن اليوم
من منطلق والهام .. حسن .. النوايا
// .. ماهمني .. شهره .. ولا همني .. لوم
كتبتها .. والله عليم .. بخفـ ـ ـ ـايا
// .. ماني بها .. مجبر .. ولاني .. بملزوم
غير انها .. لله .. رب البراااايا .. /
// .. مواقف ٍ .. يشهد بها .. أصغر القووم
كتبتها .. من باب .. طيب السجايا
// .. يالله تقبلها .. وتقبل لنا الصووووم
اتمنى تعجبكم . | |
|
أحدث الصور 
التسجيل 
دخول 
