خذيت من روحي..!

بسم الله الرحمن الرحيم

هاذي القصيدة لشااعر الكبير .. عبد الهاادي بن رااجس السبيعي(رحمة الله)


خذيت من روحي لروحـي فوايـد
ثــلاث جـــزلات شـــوى عـددهــا
الاولـه حـبـي دخــول المسـاجـد
والبعد عن من طاعـة الله فقدهـا
والثانـيـة حـبـي لحـفـظ العـوايـد
والبعـد عـن نـاس كثيـر حسـدهـا
والثالـثـة حـبـي لنـظـم القصـايـد
لامـرت الرجـل الحمـيـد يحمـدهـا
وزودتهـا مـن روح روحــي زوايــد
الـــوذ فـيـهـا لا بـلـيــت بـنـكـدهـا
احـــب رجـــل بالمـهـمـات كـايــد
لا قلت لـه ذيـك المهمـة قصدهـا
لاجــا نـهـارٍ فـيـه نـاقــص وزايـــد
يحلـهـا لــو كـثـروا فــي عـقـدهـا
وأحــب زيـنــات الـبـكـار الـنـوايـد
علـط الرقـاب اليـا توفـر سعـدهـا
خطو الفتاة اللي ظهرها امتعايـد
لوحت ضباب الـورد نـارت وحدهـا
صفـراً عليهـا مـن وبـرهـا شـرايـد
مثل الهنوف اللي تنقض جعدهـا
تلعـب نـهـار العـيـد والعـيـد عـايـد
بيـن الصـفـوف بخيـزرانـن بيـدهـا
تنقض جذيل الرأس فوق القلايـد
وتشوف من حبه بداخل جسدها
لاضـاق صـدري والليالـي شدايـد
نصيـت لـي صـفـراً تــدرج ولـدهـا
صـفـراً لبنـهـا للنـشـامـى بـرايــد
في دكةٍ مـن جـاء ييبيهـا وجدهـا
وأحب ممشأ بيـن هـدب الجرايـد
غـيــدٍ ثـمـرهـا نـادرٍفــي بـلـدهــا
وأحـب ممشـاً بالفيـاض الجدايـد
بيـن البيـوت اللـي رفـاع عمـدهـا
وأحـب اخـيـل مـرزمـات الرعـايـد
دعم السحاب اللي ثقيل رعدهـا
تضفـي عـلـى دار تـضـم البـدايـد
يـرتـاح بـالـي لا مشـيـت برثـدهـا
برفقـه مشاكيـل وســاع البنـايـد
شقر الحرار اللي ينومس هددها
هـذا هـواي وباقـي العـمـر بـايـد
ولا دامـت الدنيـا لمنهـو ر صـدهـا


اتمنى تعجبكم القصيدةj